O Quilombo preparara-se para o Lume Novo (Sam Joám), um dos dias mais importantes do ano, saíndo de roteiro para apanhar as ervas medicinais e aromáticas que nos permitam fazer as augas curativas que nos espantem os males na manhã do 24 de junho. Será este sábado, 23 de junho, às 10:30, na Estaçom de Autocarros.
Visitaremos alguns dos caminhos mais fermosos do entorno da cidade num roteiro de dificuldade baixa que nenhuma pessoa vai ter problemas para completar. Som bem-vidas, polo tanto, as crianças. Aconselhamos levar umha garrafa de água fresca.
A festa do Lume Novo, ou de “Sam Jóam”, no seu nome cristinianizado, é um dia grande para a nossa cultura popular, pervivindo por milénios mália o ostracismo ao que pretenderom sometê-la. Celebramos o verão e com lume lembramos, também, que o inverno nom fica longe; há, pois, que aproveitar o tempo.
Este ano, sem cacharela do Quilombo
A pesar da vontade de organizar umha festa do Lume Novo na cidade, este ano nom puido ser. A juventude da associaçom, cuns ritmos ainda lentos pola falta de rodagem, e umha ordenança municipal demasiado estrita nalguns aspectos, impediu-nos fazer com garantias umha festa que começamos a preparar desde já para o ano.
Desde estas linhas aproveitamos para reflexionar sobre como está desaparecendo esta festa da cidade de Ponte Vedra, sendo expulsas as poucas fogueiras que ficam cada vez mais longe. No Quilombo achamos que a festa é do povo: nom só do rural, mas também das vizinhas do centro às que indiretamente se lhes priva de viver e perviver está importante parte da nossa cultura mais ancestral e popular.
É por isto que animamos a todas as pessoas a festejar o dia nas suas casas, coas vizinhas e coa família, e a quem mora no centro acudindo às mais próximas no entorno periurbano. E instamos ao Concelho de Ponte Vedra, governar quem governar em 2019, a elaborar umha normativa municipal que permita a festa do Lume Novo no centro da cidade, como acontece noutras cidades galegas como a capital.
