Ontem, terça-feira 19 de junho, a Polícia espanhola deteve na Corunha a duas das solidárias que se manifestaram em solidariedade co centro social okupado A Insumisa durante o desalojamento deste. Denunciamos, mais umha vez, a responsabilidade do Concelho da Corunha e da Marea Atlántica neste ataque à cultura popular, assim como na brutal repressom exercida polas Polícias Local e Nacional contra as solidárias, que deixou dúzias de feridas.
Um dos detidos foi posto em liberdade, mas para o outro declarou-se prisom preventiva. Hoje soubemos que este companheiro permanecerá na cadeia até, polo menos, a segunda-feira. A desproporçom vê-se aumentada pola imputaçom de, entre outros, o delito de “sediçom”, penado polas leis espanholas com até oito anos.
O Quilombo manifesta a sua solidariedade cos dous detidos, exigindo a imediata posta em liberdade do preso, e a absolviçom de ambos companheiros. Aproveitamos para denunciar a escalada repressiva do Estado, que já utiliza comunmente a prisom contra o ativismo social. É preciso ampliarmos a consciência da necessidade de coesom e solidariedade no seio dos movimentos sociais e populares.
Dez, cem, mil centros sociais!
