Vox convocou para hoje, sábado 9 de fevereiro, um ato de apresentaçom em Ponte Vedra. Segundo se soube ontem, será às 20:00, na Finca Batacos (situada na paróquia de Salcedo).
O Quilombo manifesta a sua total rejeiçom a este ato e a qualquer presença de Vox na nossa cidade. Porque nom, o fascismo nem é respeitável, nem pode ser tolerado. Nom podemos normalizar que quem pretende aniquilar a nossa língua e a nossa cultura, quem nom respeita os nossos direitos nacionais, quem defende o patriarcado e o racismo, quem está contra a classe operária, ocupe as ruas do nosso país. Procuram a privaçom absoluta de direitos e som inimigos do povo trabalhador galego.
Queremos salientar que o fascismo nasce para servir à burguesia. E nom podemos esquecer, tampouco, que o fascismo nom som só os grupos de extrema direita. Como dizíamos, o fascismo é inseparável dos Estados capitalistas, pois é o último instrumento da burguesia contra o socialismo. Aliás, se há um Estado que pode ser considerado fascista, é o espanhol, pois nele nom houve ruptura co franquismo: o poder seguiu nas mãos da mesma elite económica; nom houve umha depuraçom na Polícia, na Guarda Civil, no Exército, nem na judicatura; os grupos fascistas agem com total impunidade…
Mas nom abonda só coa denúncia: é preciso erguer um alternativa revolucionária para o povo. Nós, desde o nosso âmbito de atuaçom (o cultural), seguiremos trabalhando por umha Galiza ceive.
Vox, em Ponte Vedra nom sois bem-vindos!
Fascistas fora da Galiza!
