2ª atividade do Quilombo no marco do Projeto Rios coordenado por ADEGA.

Limpeza do rego Vale de Corvos o domingo ás 16:30 horas, remataremos ás 19 h.

Ponto de encontro nos composteiros da rúa Prado Novo, a altura do n° 18.

Inscreve-te no Telefono: 623 31 75 79  ou  no Mail: oquilombo@riseup.net

Enviando o BI com a inscriçom poderemos gerir seguro individual

Posted in Geral | Leave a comment

Cancelada a ediçom de 2021 da Foliada do lago Castinheiras.

Ante o aumento da incidência da COVID-19 vemo-nos por segunda vez obrigadas a adiar a foliada do lago, desta volta de jeito definitivo até julho de 2022.

Ainda que o espaço florestal é grande e aberto, abarcando varias hectareas, tendo claras vantagens a outros espaços para a organizaçom de eventos no contexto da pandemia, tambem apresenta dificultades insalváveis para cumplir a nova normativa de espectáculos publicada no DOG de ontem. A foliada, na verdade, de cumplir esta normativa, deixaria de ser umha foliada, perdendo toda esência, e claro, tendo que mudar o lugar, deixaria de ser do Lago.

No 2022 voltará a foliada do Lago, animo a todes, coidar-se muito e feliz e combativo dia da Matria galega.

Posted in Geral | Comments Off on Cancelada a ediçom de 2021 da Foliada do lago Castinheiras.

Adiamento da Foliada do Lago e as Olimpíadas Populares Galegas

Olá companheir@s,

Desde a organizaçom das Olimpíadas Populares Galegas e a II Foliada do
lago Castinheiras comunicamos que devido ao incremento da incidência da
COVID e do surto que chegou das baleares, com especial relevância na
comarca de Ponte Vedra, onde se eleva o nível de restriçons, decidimos
ser o mais prudentes possiveis nestes momentos e adiarmos ambos os
eventos previstos para este fim de semana para o do 30, 31 de julho e 1
de agosto.

Ambos os eventos realizaram-se com a mesma programaçom e horários
previstos mas nos últimos dias de julho e primeiro de agosto. As
diferentes provas e jogos das olimpíadas, onde os movementos sociais
galegos mediram às suas destrezas e estados de forma, desde às 6 da
tarde da sexta-feira30 de julho até às 6 da tarde do domingo 1 de agosto
e a II foliada do lago com a sua música ao vivo (os de ningures,
Solimán, Suán e Acordeireta), obradoiros (pandeiro, danza e pandeireta),
exposiçom de trajes tradicionais e feira de associaçons e instrumentos
terá lugar no sábado 31 desde às 13h00.

Por último, queremos renovar o chamado a participar nas marchas em
defesa da ria covocadas pola APDR desde Marin e Ponte Vedra às 12 do
domingo 4 de Julho

Viva a cultura popular e os movementos sociais!

Posted in Geral | Comments Off on Adiamento da Foliada do Lago e as Olimpíadas Populares Galegas

II Foliada do Lago. Sábado 3 de julho de 2021.

Com muito ânimo anunciamos por segundo ano consecutivo a Foliada do Lago Castinheiras que como o ano passado conta com a colaboraçom da Mancomunidade de montes de Sam Martinho de Vila Boa, a associaçom de música e baile Trépia, a deputaçom de Ponte Vedra e como novidade deste ano, as Olimpíadas Populares Galegas que se desenvolverám durante esse fim de semana a par da Foliada.

A ediçom de 2021 conta com melhoras respeito a 2020 na equipa de som e novas atividades como a sessom vermute ou a mostra de trajes tradicionais.

A festa comença às 13h00 com sessom vermute e a atuaçom do grupo de música tradicional Os de ningures.

Na sobremesa terá lugar a conferência sobre as vestimentas tradicionais a carrego do Obradoiro Costuras Saiáns e darám començo os obradoiros de elaboraçom de pandeiro e iniciaçom a pandeireta e baile galego. O obradoiro de pandeiro precissa inscriçom previa (atraves de oquilombo@riseup.net) antes do 27 de junho e realizará-se com um mínimo de 5 e máximo de 10 participantes que levarám o pandeiro que elaborem para a casa. Este obradoiro é impartido por Dácorla artesania e o de baile e pandeireta pola A.C. Trépia.

Durante todo o dia estará aberto o espaço feiral onde poderas desfrutar da mostra de trajes tradicionais, mesas de associaçons e produtos ecológicos.

Às 21h30 encetarám os concertos com o grupo de pandereteiras da A.C. Trépia, Solimán, que darám passo a Suán, grupo também ligado a Trépia que fusiona a nossa música de raiz com sons electrónicos e outras de vanguarda e de últimos mas nom para acabar pois continua a foliada livre, contaremos com Acordeireta, dúo de acordeom e pandeireta dos que podes escuitar e ver um avance nesta ligaçom.

Posted in Geral | Comments Off on II Foliada do Lago. Sábado 3 de julho de 2021.

Custódia e ciência cidadá no Rego Vale de Corvos

 

Neste sábado 29 desde às 16h00 terá lugar a 1ª visita de
ciência cidadá ao Rego Val de Corvos. Em colaboraçom com a asociaçom
ecologista ADEGA, no marco do Projeto Rios, O Quilombo inicia o trabalho
de custódia, posta em valor e ciência cidadá deste curso fluvial que
atravessa a cidade.

O ponto de encontro será nos composteiros da rúa Prado Novo 18 e
solicitamos inscriçom previa para manter as medidas anti-covid. A
atividade é apta para todas às idades e conta com umha participaçom
máxima de 15 pessoas.

Nesta 1ª visita conhezeremos e avaliaremos a qualidade ambiental do
curso fluvial com diferentes mediçons fisico-químicas (caudal, Ph, etc)
e biológicas (catalogaçom bosque de ribeira, especies invasoras,
invertebrados, etc). Estas avaliaçons faremo-las 2 vezes por ano
(primavera e outono) e acompanharemo-las de outras propostas
socio-culturais para a posta em valor do espaço.

Participa!

Posted in Geral | Comments Off on Custódia e ciência cidadá no Rego Vale de Corvos

Ateliê de língua

Nos próximos sábados 17 de abril e 8 de maio às 11h00 da manham
contaremos com o professor de galego-português e autor do livro “Do Ñ
para o NH”, Valentim Fagim, para a realizaçom de 2 obradoiros
linguísticos. Podes inscrever-te por só 5 euros para as 2 sessons,
gratuito para socies do Quilombo e da associaçom cultural Trépia, em
cujo local da rúa Rosalia de Castro número 100 teram lugar as atividades
formativas.

17 de abril: Como funcionam as línguas? porque falamos como falamos?

8 de maio: Usando o galego-português.

Posted in Convocatórias, Geral | Comments Off on Ateliê de língua

O Quilombo 2021. Carta aberta.

Bom fim de ano e próspero 2021!

A seguir a carta aberta em formato PDF, PNG e texto.

carta_aberta_2021

O Quilombo 2021. Carta aberta.

Neste fim de ano a Associaçom Cultural O Quilombo quer transmitir a vizinhança de Ponte Vedra, ao movemento social e popular galego e sobretodo aos centos de pessoas que acompanharom a intensa atividade desenvolvida nos dous anos de vida do projeto, umha forte aperta nestas festas de fim de ano e varias consideraçons e informaçons de interesse. Continue reading

Posted in Comunicados, Geral, Sobre nosso projeto | Comments Off on O Quilombo 2021. Carta aberta.

Atividades de outubro

Comença o outono e com ele recuperamos as programaçons mensais trás o verao mais atípico.

Outubro consolida o obradoiro de trabalhos em madeira. Será 2 dias ao mês, quartas-feiras 14 e 21 este mês desde às 18h00. É necessário increver-se e a atividade é gratuita para socies e por só 5e/mês para nom socies.

Neste mês reivindicamos com força a nossa língua e um 2021 para Carvalho Calero. No sábado 17 començam os ateliê de língua com o Valentim Fagim, que continuaram em novembro e dezembro (gratuito para socies e 5euros em total os 3 ateliê para nom socies) e faremos mural reivindicativo das Letras Galegas pola tarde. Na quarta-feira 21 às 20h30 contaremos com o professor, escritor e fundador da AGAL, Manuel Miragaia para falarmos da vida do extraordinário inteletual galeguista Ricardo Carvalho Calero.

Nos últimos 2 sábados do mês concluimos com toda a força da natureza, o patrimonio e a cultura popular. No 24, saíndo às 10h30 desde Ponte Vedra visitaremos os petroglifos e os aproveitamentos multifuncionais do Monte em Mao Comum de Campo Lameiro num fermoso roteiro guiado por vizinhos e comuneiros. Para concluir o mês, saída micológica desde às 10h30 que convergerá pola tarde no Centro Social para cozinhar o apanhado junto com castanhas e cabaças. Todo o sabor do outono numha soa noite. Vem desfrutar com nós do magusto/samaim.

Completa o programa deste mês a assembleia mensal no 26 e a assembleia aberta que na quinta-feira 8 organizam solidarias da campanha Jaro com motivo do juizo político que enfrontam 12 independentistas galegas e pretende ilegalizar 1 partido político e 1 associaçom solidaria. Desde O Quilombo somamonos  à denuncia deste processo repressivo e chamamos à campanha aberta e ativa na nossa comarca como a acudir a manifestaçom nacional de compostela no próximo 18 de outubro.

 

Posted in Convocatórias, Geral | Comments Off on Atividades de outubro

Atividades da última semana de setembro

Recem saída do forno a programaçom da última semana de setembro, na que atenderemos especialmente às medidas higiénicas e de distanciamento social necessárias. Máscara, 2 metros de distáncia e máximo grupos de 10 pessoas som às indicaçons básicas e imprescindíveis na nossa comarca.
 
23 – 18h00 O Obradoiro de trabalhos em madeira, gratuito. Este obradoiro poderá ter, se hai interese, continuidade durante os próximos meses.
 
24 – 20h30 Galiza com Palestina. Concentraçom solidaria na Praça da Peregrina.
 
25 – 20h30 transfeminismo, suma de luitas. Palestra e debate com a ativista sindical, de dereitos migrantes e transfeminista Laura Bugalho.
 
26 – 18h00 Assembleia Geral de socies do Centro Social O Quilombo
Posted in Convocatórias, Geral | Comments Off on Atividades da última semana de setembro

Foliada do Lago Castinheiras

No próximo sábado 25 de julho, desde às 18h00 no Lago Castinheiras, terá
lugar o evento central da campanha popular polo Dia da Pátria 2020,
organizada desde o tecido social de Ponte Vedra num espaço espetacular.

O recinto de quase 2 hectáreas de superficie, na sua maioria arvorada,
situa-se na parte central do parque florestal de Castinheiras, ao pé do
lago e rodeados de monte autoctone. Localizaçom clicando aqui.

Disponhibilizaram-se serviços sanitários e facilitará-se o cumprimento
das medidas anti-covid19 diferenciando espaços, disponibilizando
mascaras e gel e informando da normativa a cumprir.

18h00 – Feira de produtos ecológicos e Mostra de associaçons
inauguraram a romária.

18h30 – Obradoiro de elaboraçom de pandeiro. Artesania Dácorla imparte
este obradoiro que custa 50 euros, inclue todo o material para fabricar
e levar-te para casa o teu pandeiro e require inscriçom previa com data
límite em 20 de julho. Contacta no 683353872 ou em oquilombo@riseup.net

19h00 – Obradoiro de iniciaçom ao baile galego impartido pola Asociación
Trépia. De balde.

21h30 – Concerto de Súan.
O grupo escénico saído dum dos múltiples projetos da Asociación Trépia
públicou este ano o seu primeiro album que podes escoitar aqui.

23h00 – Concerto de Gabi Reboredo.
Neste video Gabi colabora cum projeto ibérico das músicas de raiz e neste outro podedes ver umha intervençom de Gabi numha escola pública pondo em valor a nossa música.

24h00 – Foliada aberta. A festa continua, sem amplificaçom nem cenários.
Vem tocar e dançar!.

Neste atípico ano 2020, o Dia da Pátria trae esta magnifica novidade,
desfrutemo-la. Cultura popular, ecologia, economia social e solidariedade abraçam-se desde o compromisso que fortalece na reivindicaçom, festiva e
consciênte, do nosso dia nacional.

A Foliada do Lago nom seria possivel sem a colaboraçom entusiasta da
comunidade de Montes de Vilaboa, Trépia, Que Voltem para casa!, 4Ponlas
e a Concelharia de Cultura e Mocidade. Muito obrigadas.

Viva a Foliada do Lago!
Viva Galiza Ceive!
Avante a República Galega!

Posted in Convocatórias, Geral | Comments Off on Foliada do Lago Castinheiras