Atividades e novo local

Começamos animadas outono com varias atividades e a olhada na abertura do novo local antes de acabar o ano.

O passado domingo 25 de setembro, participamos na Limpeza simultânea de rios organizando atuaçom no Rego Vale de Corvos. Ao finalizar houvo uns petiscos para recuperar forças. Informaçom da  jornada em todo o pais na web de Adega.

Quarta-feira 12 de outubro, Roteiro Cabenca-Cavadosa até o galpóm social da Rousmeri em Caroi, desde a praia fluvial de Cerdedo às 10;30h, dia de convívio e natureza para o movimento social, soma-te.

Domingo 16 de outubro, Brigada deseucaliptizadora na Fracha organizada conjuntamente com a Comunidade de Montes de Tomeça, reserva o dia e afia a fouce, a jornada de trabalho concluirá com jantar.

Sábado 22 de outubro, 3ª visita de ciência cidadá no Rego Vale de Corvos.

A programaçom vai continuar, já estamos a preparar o magusto e algumha outra cousinha, ainda que boa parte dos esforços vam para concluir os últimos preparativos face abrir o novo local.

Iremos publicando todo e isto e mais da Ponte Vedra rebelde, segue-nos nas redes sociais:

Twitter: https://twitter.com/o_quilombo
Telegram: https://t.me/o_quilombo
Instagram: https://www.instagram.com/oquilombopontevedra/
Facebook: https://www.facebook.com/oquilombopontevedra/
Blogue: https://www.oquilombo.noblogs.org

Posted in Geral | Leave a comment

II Foliada do Lago

ATUALIZAÇOM: Por motivos de saúde, Acordeireta nom vai poder vir e desde aqui desejamos umha rápida recuperaçom. Anunciamos que a festa continua com a participaçom de Zurrumalla e Regueifa com Luis Caruncho e Benito Lobarinhas.

A Foliada do Lago volta com muito ânimo a Castinheiras, Postemirom, Vila Boa e agradecemos a colaboraçom fundamental da Comunidade de Montes de Sam Martinho de Vila Boa para que se poda desenvolver este dia de festa, convivio e cultura popular num entorno tam maravilhoso.

Esta ediçom de 2022 trae melhoras cumha equipa de som mais potente e novas atividades como a sessom vermute e acampada, polo demais encontraras-te no mesmo lugar de respeito pola natureza, animais e pessoas, entre boa música, risas, bailes, comidas e bebidas.

A festa comença às 13h00 com sessom vermute e a atuaçom do grupo de música Galega de bailables, composto por Xosé Maceda, Xian Herrera e Pablo Bernárdez. Durante todo o dia estará aberto o espaço feiral onde poderás desfrutar de comidas e bebidas a preços populares e atopar também postos de associaçons e coletivos aos que convidamos vir mostrar o seu trabalho e tecer rede.

Pola tarde, trás umha boa sobremesa, serám os obradoiros de elaboraçom de pandeiro e baile galego. O obradoiro de pandeiro precissa inscriçom previa (envia nome e telefone de contato a oquilombo@riseup.net), tém um custo de 40 euros e os participantes levarám o pandeiro que elaborem para a casa. Este obradoiro é impartido por Dácorla artesania e o de baile (gratuito) por Chus Caramés, educadora no programa de baile Andar cos tempos.

Às 21h00 encetarám os concertos com o grupo Acordeireta, dúo de acordeom e pandeireta dos que podes escuitar e ver um avance nesta ligaçom  e Rabeira, cinco mozas que tocam, bailam e súam polas foliadas do país, integrantes de De Ninghures, venhem de Compostela e trazem consigo peças da Fonsagrada e Bergantinhos para as que convém preparar-se para dar umhas voltas de maneo e saltar coas energéticas muinheiras da montanha.

Trás os concertos continua a festa com foliada aberta, trae o teu instrumento!

Posted in Geral | Comments Off on II Foliada do Lago

Nom todo é desporto nas Olimpíadas Populares Galegas

Este fim de semana em Poio desfrutaremos do convivio através do desporto e nom só. Desde a sexta-feira contaremos com atividades variadas que nos permitirám conhezer os valores naturais e culturais da contorna, desfrutar da festa com música ao vivo e aprender manualidades ao tempo que reivindicamos umha ria livre de celuloses. Todas estas atividades estám abertas a participaçom, livre de inscriçom. Também poderás beber e petiscar algo. Nom faltes!

Posted in Geral | Comments Off on Nom todo é desporto nas Olimpíadas Populares Galegas

Voltam as Olimpíadas Populares Galegas

Trás o sucesso das ediçons de Guitiriz e Moanha e o parom dos últimos dous anos, neste 2022 voltam as Olimpiadas Populares Galegas, a celebrar no Parque da Seca de Poio.

Nos seguintes documentos tedes toda a info sobre o evento.

Presentación_OPG_Poio2022

Probas_OPG_Poio2022

Anima-te e participa neste fim de semana cheio de saudáveis emoçons. Contata para inscrever-te em oquilombo@riseup.net se es de Ponte Vedra ou em olimpiadaspopularesgalegas@gmail.com se queres inscrever equipa da tua associaçom.

Posted in Geral | Comments Off on Voltam as Olimpíadas Populares Galegas

Rego Vale de Corvos

Ligaçom da primeira convocatoria aqui.

RESULTADOS DA III VISITA DE CIÊNCIA CIDADÁ NO REGO VALE DE CORVOS.
Quilombo, Primavera, 23/04/2022

– Qualidade Hidromorfológica:
Hábitat bem constituído (76 puntos).
Qualidade do bosque de ribeira moderada.
Caudal 0,021 m³/s.
Alteraçons: 2 impactos detectados (bordes rozados, canalizacións); 11 usos do solo distintos; 1 contedor; 4 residuos distintos (plásticos, latas, vidros, pneumáticos); ruído contínuo; contaminaçom lumínica meia.

– Qualidade Fisicoquímica:
12ºC, transparente, 5 mg/l nitratos, 4 mg/l O², 34% saturaçom, pH 6.

-Qualidade biológica:
15 familias de macroinvertebrados ( 4 odonatos, 2 tricopteros, 1 plecoptero, 0 efemerópteros) Resultado do indice: Bo
2 plantas acuáticas
7 árvores
++ Plantas nom acuáticas
1 anfibio: Sapinho pinto (adulto e larvas)
2 aves acuáticas e 10 terrestres
9 Especies de Flora Exótica Invasora

_________________________________________________________________

RESULTADOS DA XV LIMPEZA SIMULTÁNEA DE RÍOS EN PONTEVEDRA E EN 41 CONCELLOS DE TODA GALIZA

Pontevedra, domingo 25 de setembro de 2022

Fomos novamente moitas as persoas as que nos mollamos polos ríos na XV Limpeza Simultánea. Houbo grupos grandes e pequenos, de nenos e nenas e de maiores. Limpáronse grandes ríos e tamén pequenos regatos, pero todas e todos tiñamos o mesmo obxectivo: coidar os nosos ríos e concienciar á sociedade da necesidade de que estean ben conservados.

Este domingo 25 de setembro, en Pontevedra 47 persoas participaron na XV Limpeza Simultánea de Ríos. Un dos treitos fluviais seleccionados foi o río Gafos na súa parte urbana, onde as asociación Vai Polo Río, Fundación Juan XII e PACMA retiraron 75 kg. E por outra banda, a asociación O Quilombo escolleu o rego Valdecorvos para recoller uns 50 kg de lixo. Grazas as limpezas realizadas polo voluntariado cada ano a cantidade de residuos presente nestes ríos vaise reducindo, aínda así, seguen chegando centos de envases de plástico, cabichas ou envoltorios de papel de cadeas de comida rápida.

A iniciativa impulsada polo Proxecto Ríos, un programa de Educación e Voluntariado Ambiental da asociación ecoloxista ADEGA, realizouse en 41 concellos de toda Galiza, nun total de 47 treitos de río. En cada localidade a actividade foi coordinada por diferentes entidades, dende asociacións ecoloxistas, culturais, centros de ensino e concellos, chegando ás 59 entidades. Participaron, nos resultados preliminares, 591 persoas e de momento van contabilizadas case 7 Tn de residuos retiradas dos nosos ríos.

Posted in Geral | Comments Off on Rego Vale de Corvos

Convocada Assembleia Geral

A convocatoria de Assembleia Geral é para sábado 5 de março às 11:30h em 1ª convocatoria e 12:00h em 2ª convocatoria no Local Vizinhal do Gorgulhom, na rua curtidoira. A convocatoria é de caracter aberto, sem necessidade de se associar com antelaçom para ter voz e inclúe comida e sobremesa para a que solicitamos avisar com antelaçom para calcular quantidades.

Na Assembleia Aberta do 3 de fevereiro avançou-se sobre diversos temas para acabar proponhendo a ordem do dia da Assembleia Geral.

Necesidade do Centro Social para tecer redes, fortalecer o movemento popular soberanista e anti-capitalista de base e sem dependências de dinámicas institucionais, alargar processos de construçom social e nacional. Entre outras razons, a Boa Vila precisa lugares monolingues referenciais para quem busque o retorno ao galego.

O modelo de funcionamento gostariamos que fose o mais eficiente, plural e assemblear possível, com participaçom em rede de diversas associações e movementos que apoiem o centro social, para o que é fundamental renovar e ampliar a Comissom Geral do Quilombo, transformar a simpatia da maioria do movemento social em colaboraçom ativa e se houver interesse ativar comissões específicas.

Respeito às atividades valorou-se importante ter umha programaçom fixa de cursos que podam dar vida ao local de jeito estável, atividades plurais como micros abertos de poesia, abertura a utilizaçom do espaço por todo o movemento social e vizinhança coa que devemos trabalhar para que faga seu o projeto e procurar um local e infraestrutura que permita o máximo de prestações (concertos, teatro, atividades simultaneas, etc).

A proposta de ordem do dia é:

A- Estado atual (finanças, associaçom e contatos para o novo Centro Social)

B- Programaçom de atividades para os próximos meses. Criaçom de equipa de comunicaçom.

B.1 março, impresom do livro de poemas e inicio campanha de rua antifascista,

B.2 abril, Projeto Rios no rego Vale de Corvos,

B.3 maio, mural no rio Gafos.

B.4 junho, Olímpíadas Populares Galegas,

B.5 julho, Foliada do Lago,

B.6 agosto-setembro, abertura do novo Centro Social.

C- Modelo de funcionamento da associaçom nos próximos meses.

C.1 Comissom Geral. Coordena o funcionamento da associaçom no dia a dia (organizaçom, arquivo, comunicaçom, etc.). Reune-se como mínimo 1 vez ao mês e utilizará ferramentas telemáticas para manter comunicaçom permanente. Aberta a participaçom de todas as sócias implicadas em projetos. Pode criar os grupos de trabalho que estime oportunos. Facilitará a participaçom e a conciliaçom com a vida familiar e laboral. É responsável por gerir os possíveis conflitos. Fai acompanhamento de novas sócias. É espaço de deliveraçom seguro e confidencial.

C.2 Convocatoria de Assembleia Geral Extraordinaria para revissom de estatutos e decissões importantes previas a abertura do novo local.

D- Renovaçom e ampliaçom da Comissom Geral da associaçom.

E- Próxima Assembleia Geral para as decissões importantes previas a abertura do novo local.

Comissom Geral da Associaçom Cultural O Quilombo

Posted in Geral | Comments Off on Convocada Assembleia Geral

Pre-lançamento dum grande projeto para Ponte Vedra, novo Centro Social Auto-gerido.

O Quilombo convoca todas as pessoas, vizinhas da comarca de Ponte Vedra, que querem a língua, precisam construir um mundo mais vivível e menos vendível ou fartaram de esperar que a pandemia acabe, pois ou nos movemos ou vai acabar ela com nós e se nom que perguntem aos redatores da nova estratégia de segurança nacional espanhola.

Nas próximas semanas multiplicarám-se as conversas, os ânimos e até os aquelarres para convocar o espirito da Revira e do En pé!

Chegou o momento, nom esperes a que liguemos nós, contata com as conhezidas e começa pensar e agir para este novo salto do movemento social pontevedrês. Precisamos ser muitas, conscientes e plurais, para um projeto de longo alcanço e grande espaço.

Temos referentes polo país adiante como A Gentalha do Pichel, Faísca, Artabria ou o Mádia Leva! mas nom pretendemos copiar ninguém. Autenticidade e consistência som os nossos 2 compromissos. Nada a pôr diante do futuro, nem o proprio Quilombo.

Compartilha!

Posted in Geral | Comments Off on Pre-lançamento dum grande projeto para Ponte Vedra, novo Centro Social Auto-gerido.

Ai vem o Apalpador!

Aí vem o Apalpador, com muita música e castanhas assadas a esgalha.
Na tarde do 22 de dezembro nom podes faltar a ruada mais autêntica destas festas de inverno.
A ruada percorrerá às principais praças e parques do centro de Ponte Vedra  saindo desde os jardíns de Belas Artes às 18h00.
Brochura apresentaçom do Apalpador:

O Apalpador (1)

Continue reading

Posted in Geral | Comments Off on Ai vem o Apalpador!

As corredoiras serám sempre nossas!!

Estas semanas  iniciamos campanhas com Chema Absolución e Estreleira.gal
O Quilombo está decidido voltar às ruas, corredoiras, prados e lameiros da nossa comarca.
Combater os efeitos nocivos da pandemia só vai ser possível recuperando o pulso a vida real, com os pés na terra! Vemo-nos face a face ainda que tenhamos que manter metro e meio de distância.
A luita continua!!!
Posted in Geral | Comments Off on As corredoiras serám sempre nossas!!

2ª atividade do Quilombo no marco do Projeto Rios coordenado por ADEGA.

Limpeza do rego Vale de Corvos o domingo ás 16:30 horas, remataremos ás 19 h.

Ponto de encontro nos composteiros da rúa Prado Novo, a altura do n° 18.

Inscreve-te no Telefono: 623 31 75 79  ou  no Mail: oquilombo@riseup.net

Enviando o BI com a inscriçom poderemos gerir seguro individual

Posted in Geral | Comments Off on 2ª atividade do Quilombo no marco do Projeto Rios coordenado por ADEGA.