O Quilombo apoia a marcha contra Celuloses deste sábado, 16 de junho. Convocada pola APDR (Asociación pola Defensa da Ría), a manifestaçom sairá das Alamedas de Ponte Vedra e de Marim às 19:30.
Exigimos-lhe ao Governo espanhol, agora em mãos do PSOE, que anule a prorrogaçom de 60 anos concedida a ENCE em 2016 —como diz que faria—, assim como a concessom de Elnosa. Mais umha vez, a luta nas ruas será a chave para consegui-lo.
Aliás, denunciamos a conhecida conivência política do PP coa fábrica, mesmo mudando leis co objetivo de manter na ria este engendro. Lembramos que até três membros do Conselho de Administraçom da empresa —Isabel Tocino, Carlos del Álamo e Pascual Fernández— ocuparam cargos públicos de responsabilidade em matéria de Meio Ambiente e Águas.
O peche do complexo é necessário para poder recuperar a ria, mas este problema nom afeta só à comarca: todo o país padece a eucaliptizaçom e os lumes que, ano após ano, destruem a Galiza.
Aproveitamos este comunicado para saudar a luta de Touro e o Pino contra a mina, mais umha mostra das políticas coloniais às que nos vemos sometidas as galegas. Tanto Celuloses como a mina nom som senom síntomas desse cancro que é o capitalismo, e consequencias dum modelo de desenvolvimento, produçom e consumo que nos condena a umha vida miserável. Frente a isto, nós apostamos e apoiamos, na medida das nossas possibilidades, o consumo local e ecológico.
Ence fora da ria!
Governe quem governe, Galiza nom se vende!
