Do Centro Social A Pedreira estreamos blogue e Festa da Língua.

https://apedreira.blogspot.com

Aqui todos os materiais da Festa da Língua em PDF:

ProgramaCompleto_Cartaz            ProgramaCompleto_Redes         FestaLingua_OQuilombo

Jornadas_Cartaz_ConstruindoFuturo              Jornadas_Redes_ConstruindoFuturo

Monólogo_Cartaz_Dia13                  Monólogo_Redes_Dia13

RondalhaLíngua_Redes_Dia16          RondalhaLíngua_Cartaz_Dia16

Manifesto_FuturoLíngua

Dia16_Cartaz_CONCERTO        Dia16_Redes_Concerto

Dia17_Redes_LetrasGalegas        Dia17_Cartaz_LetrasGalegas

A Pedreira anuncia diversos cursos no seu novo local. As vizinhas de Ponte Vedra poderám divertir-se e perder medo do palco com Teatro, aprender cantar para divertir-se polas tabernas, tocar instrumentos como o Ukelele, guitarra, gaita, tamboril e outros de
percussom e também aprender fazer arranjos, desses comúns em todas as
casas, como colgar um quadro, solucionar umha perda de auga ou cousas
mais avançadas como erguer umha parede ou colocar chão de
madeira. Para inscrever-se hai que enviar email a apedreira@riseup.net

Pouco a pouco e entre todas vamos dando forma a Pedreira, este obradoiro emancipatório que aspira ser alavanca dum viçoso movimento social. Hoje apresentamos os primeiros cursos e múltiples atividades irám surgindo do caudal coletivo. Participa das assembleias e grupos de trabalho!

Nasce o Centro Social A Pedreira, espaço autogerido de encontro e luita para todas as pessoas que crem noutra comarca possível, livre de militares e postas de longo que tanto cheiro a celulose deixam polo caminho.

Desde a experiência acumulada pola Associaçom Cultural o Quilombo, reafirmamos no compromisso com a nossa língua extensa e útil, com a cultura e movemento popular, na luita por umha Galiza independente e ecológica baseada em práticas e valores alternativos aos do capitalismo e patriarcado.

Com este nome queremos revindicar o espaço o que damos vida, localizado na Rúa Serra 36, mui perto da Praça da Pedreira, das poucas do centro histórico que aínda conserva todo o espaço público para a comunidade. A Pedreira é o lugar onde picaremos pedra para erguer de novo um movemento popular afouto, para unir-nos mais, porque em Ponte Vedra, Hai que roe-lo!

Organizamo-nos de maneira assemblear polo que animamos vir participar e seguir as nossas redes sociais para conhecer as diferentes atividades que levamos e levaremos a cabo. O horário de abertura do centro social é de quintas-feiras a sábado de 19:00 a 23:00 horas.

Fazemos também um chamamento a associar-se através de achega económica (5 ou 10 euros ao mês) para que A Pedreira poida seguir medrando ou, sem posibilidade de achegar dinheiro, podes associar-te dedicando algumhas horas de trabalho coletivo.

Segue-nos nas redes sociais e ajudanos chegar a mais gente.
TikTok: tiktok.com/@apedreira_cs
Instagram: instagram.com/apedreira_cs
Facebook: facebook.com/apedreira_cs
Telegram: t.me/apedreira_cs
Twitter: twitter.com/apedreira_cs
Blogue: oquilombo.noblogs.org

Mais de 50 pessoas participamos do jantar deste sábado e outras dúzias vinherom conhezer o local e cantar as janeiras.

Umha vez concluida a assembleia, deixando umha importante decissom no ar, começou o jantar com pisco vegano, tostas de txaca, empadas de bonito, luras ou verduras, riquisima favada e sobremesa com tortas e biscoitos mais café. Salva de palmas para os e as cozinheiras.

Na sobre-mesa umha pequena arenga com duas companheiras ergueu os ánimos para a luita transformadora e a contruçom nacional e social para depois outro companheiro dar passo a votaçom do novo nome que foi escolhido a mao alçada entre 5 posibilidades que incluia também o velho nome do Quilombo. Trás votaçom com triple empate forom necesárias 2 voltas para chegar a melhor e maioritaria decisom…

Centro Social A Pedreira!

pedreira

(1) Sítio ou lugar donde se extrai pedra. Canteira.

(2) Pedra tirada da canteira.

A Pedreira é a praça ao nosso carom, o cantinho mais lindo do centro de Ponte Vedra.

A Pedreira é o bairro no que abrimos o novo local para muitos anos, um projeto ligado ao território e o povo que o habita.

A Pedreira é o lugar onde picaremos pedra para erguer de novo um movemento popular afouto, para defender a língua e cultura, para unir-nos mais, porque em Ponte Vedra, Hai que roe-lo!!

A lenda!

O dia antes deste importante encontro, umha Pedreira cinzenta foi parar a Ilha das Esculturas e como nom podia ser doutro jeito, tivo-se em consideraçom a hora de tomar a decisom.

Para concluir a tarde, cantamos as janeiras, dentro da programaçom da AC Trépia por varios locais da zona velha.

Temos muito boas novas que transmitir: Já temos local!!

Na rua Serra 36, entre o mercado, o museu e a praça da Pedreira, com saída pola parte de atrás para a rua Pedreira. Com 154m2 de superficie. A distribuiçom permitirá contar com sala principal com balcom, cenário, biblioteca, etc, aula multiusos insonorizada, ateliê com cozinha e serviços para diferentes artesanias e um escritório.

Para conheze-lo contata com nós no mail ou redes sociais, nas próximas semanas estaremos adaptando-o para começar funcionar o antes possível.

Documento para associar-se em PDF

Sábado 14 de janeiro , às 11h30:             Assembleia Geral Extraordinária.
Ptos. do día:
– Nome do local e associaçom.
– Estatutos.
– Funcionamento do Centro Social.
– Programaçom anual de atividades.
– Eleiçom da Comissom Geral.
(As propostas de emendas (acréscimo, modificaçom ou supressom) de mais de 5 palavras devem ser enviadas ao e-mail com 72 horas de antelaçom).

Sábado 14 de janeiro comida aberta de pre-inauguraçom.
Compra/reserva já o teu bono (10 €) no e-mail oquilombo@riseup.net.
(Comunica no e-mail se queres opçom vegana ou tes algumha alergia).

Associa-te!  Participa!

Vem acompanhar o Apalpador na sua visita a Ponte Vedra!

O gigante carvoeiro chegado do Courel necesita de todas nós para ajudar repartir castanhas, lambonadas, cultura, música e felicidade entre todas as nenas e nenos, desde os jardíns de Belas Artes até o Mercado, pasando pola Michelena, Peregrina, Curros Henriques e mais rúas e praças do casco histórico da cidade.

O Apalpador (ou apalpabarrigas, ou pandigueiro) é um homem de barba e cabelos rubios, um gigante bonachom, que vive nas devesas das altas montanhas orientais, fazendo carvóm para escorrentar o frío, desde muito antes de que a sociedade de consumo importasse dos paises nórdicos a Mr Klaus. Nas festas de inverno, polos dias do solstício baixa até vilas e aldeias para comprovar que as crianças estam bem coidadas e alimentadas.

Vem carregado de castanhas, de alouminhos, de cultura, de umha outra forma de celebrar as festas. Ele traz presentes também, mas nom som os do artifício criado polas multinacionais, som os que fixo coas súas mans no tempo de lecer do resto do ano. Traz brinquedos artesanais, do comércio local, de materiais respeituosos com o ambiente e presentes carregados de carinho, imaginaçom e desprovidos de código de barras. Ele vem com vontade de transformar um bocado estas festas do consumo, quer devolvê-las ao povo, roubá-las as mols comerciais.

CANTIGA DO APALPADOR
1
Vai-te logo, meu meninho,
marcha agora pra caminha,
Que vai vir o Apalpador
a palpar-che a barriguinha.
2
Já chegou o dia grande,
dia do Nosso Senhor.
Já chegou o dia grande,
e virá o Apalpador.
3
Amanhã é dia de cachela,
que haverá grande nevarada
e há vir o Apalpador
cunha mega de castanhas.
4
Por aquela cemba
já vem relumbrando
o senhor Apalpador
para dar-vos o aguinaldo.

Viva o Apalpador!

Magosto associativo este sábado 5 na Praça da Pedreira.
Vem desfrutar com as Castanhas, bebidas, material das associaçons e muita música.
Tecendo rede cara abertura do novo Centro Social. Achega-te e conheze as novidades do movimento associativo pontevedrês.

Começamos animadas outono com varias atividades e a olhada na abertura do novo local antes de acabar o ano.

O passado domingo 25 de setembro, participamos na Limpeza simultânea de rios organizando atuaçom no Rego Vale de Corvos. Ao finalizar houvo uns petiscos para recuperar forças. Informaçom da  jornada em todo o pais na web de Adega.

Quarta-feira 12 de outubro, Roteiro Cabenca-Cavadosa até o galpóm social da Rousmeri em Caroi, desde a praia fluvial de Cerdedo às 10;30h, dia de convívio e natureza para o movimento social, soma-te.

ATUALIZAÇOM: Por motivos de saúde, Acordeireta nom vai poder vir e desde aqui desejamos umha rápida recuperaçom. Anunciamos que a festa continua com a participaçom de Zurrumalla e Regueifa com Luis Caruncho e Benito Lobarinhas.

A Foliada do Lago volta com muito ânimo a Castinheiras, Postemirom, Vila Boa e agradecemos a colaboraçom fundamental da Comunidade de Montes de Sam Martinho de Vila Boa para que se poda desenvolver este dia de festa, convivio e cultura popular num entorno tam maravilhoso.

Esta ediçom de 2022 trae melhoras cumha equipa de som mais potente e novas atividades como a sessom vermute e acampada, polo demais encontraras-te no mesmo lugar de respeito pola natureza, animais e pessoas, entre boa música, risas, bailes, comidas e bebidas.

A festa comença às 13h00 com sessom vermute e a atuaçom do grupo de música Galega de bailables, composto por Xosé Maceda, Xian Herrera e Pablo Bernárdez. Durante todo o dia estará aberto o espaço feiral onde poderás desfrutar de comidas e bebidas a preços populares e atopar também postos de associaçons e coletivos aos que convidamos vir mostrar o seu trabalho e tecer rede.

Pola tarde, trás umha boa sobremesa, serám os obradoiros de elaboraçom de pandeiro e baile galego. O obradoiro de pandeiro precissa inscriçom previa (envia nome e telefone de contato a oquilombo@riseup.net), tém um custo de 40 euros e os participantes levarám o pandeiro que elaborem para a casa. Este obradoiro é impartido por Dácorla artesania e o de baile (gratuito) por Chus Caramés, educadora no programa de baile Andar cos tempos.

Às 21h00 encetarám os concertos com o grupo Acordeireta, dúo de acordeom e pandeireta dos que podes escuitar e ver um avance nesta ligaçom  e Rabeira, cinco mozas que tocam, bailam e súam polas foliadas do país, integrantes de De Ninghures, venhem de Compostela e trazem consigo peças da Fonsagrada e Bergantinhos para as que convém preparar-se para dar umhas voltas de maneo e saltar coas energéticas muinheiras da montanha.

Trás os concertos continua a festa com foliada aberta, trae o teu instrumento!

Este fim de semana em Poio desfrutaremos do convivio através do desporto e nom só. Desde a sexta-feira contaremos com atividades variadas que nos permitirám conhezer os valores naturais e culturais da contorna, desfrutar da festa com música ao vivo e aprender manualidades ao tempo que reivindicamos umha ria livre de celuloses. Todas estas atividades estám abertas a participaçom, livre de inscriçom. Também poderás beber e petiscar algo. Nom faltes!