Magosto Popular na noite de defuntos. Samaim

Na quinta-feira 31 de outubro, desde às 20h00 vem curtir das nossas festas tradicionais.

Castanhas, filhoas e música ao vivo garantizaram boa festa até a chegada de Lorena Pinheira coa que nom pararemos de rir coas suas histórias “picantonas” do rural galego.

Para acabar a festa teremos foliada aberta.

Viva o magosto, viva o samaim!

Posted in Geral | Comentários desativados em Magosto Popular na noite de defuntos. Samaim

Jornadas micologicas

Vem aprender e apanhar cogumelos com o Quilombo!

Jornadas micologicas começam esta sexta-feira e incluem até 8 eventos, 6 saidas para identificaçom e recoleçom, aula de apresentaçom e um aula opcional de cozinha. Todas com a participaçom de profesionais reconhecidos como os micologos Gabi e Floren e a cozinheira vegana Anabel.

Posted in Geral | Comentários desativados em Jornadas micologicas

Atividades de Outubro

O outono chega carregado de atividades no Quilombo, saem coma fungos! Mês centrado no inicio das jornadas micológicas que teram um preço total de 20euros polos 3 meses de atividade, varias palestras sobre sexualidades e a recuperaçom do Magosto, como festividade ligada à noite de defuntos, no centro de Ponte Vedra

Destacamos também o novo horario, no que començamos abrir também os sábados. Quarta e quinta-feira de 20h00 a 23h00 e sexta-feira e sábado de 20h00 a feche (24h00 ou mais alá).

Acude e participa!

Avante O Quilombo!

Posted in Geral | Comentários desativados em Atividades de Outubro

Feira Velha

Desde o 21 de setembro trae o que che sobre na casa e do 30 de setembro ao 4 de outubro compra por 1 ou 2 euros o que precises. Colabora co Quilombo.

Búscam-se objetos em desuso. Paremos o ciclo consumista de mercar novo – botar ao lixo – e repetir! Doa o que che sobre e já nom uses para poder aproveita-lo mais umha pessoa. Merca de segunda mao, dando-lhe nova vida às cousas, poupando dinheiro e evitando financiar o grande circuito de empresas explotadores e fomentadoras do consumismo.

Posted in Geral | Comentários desativados em Feira Velha

Feira Franca no Quilombo

Como todas as primeiras sextas de mês, no 6 de setembro às 21h00 inauguramos a Feira Franca com Foliada na rua. Trae o teu instrumento e ganas de dançar, coma sempre petiscos livres para músicas e bailadoras.

No sábado 7 de setembro abriremos todo o día desde às 12h00. Vem ao Quilombo no seu climax enxebrista desfrutar da festa, cultura e um dia mágico na época em que de facto Galiza era entidade polítca e administrativa, um reino, independente.

Almorço às 14h00: Solicitamos anotar-se no e-mail ou no local para calcularmos compra. Por 15 euros podera-se escolher entre 2 Menús.

Menú 1: Navalhas, polo e filhoas.

Menú 2: Tosta de hummus, empada vegetal, feijoada e filhoas.

Durante todo o dia, no Quilombo poderedes comer e beber com produtos da terra, ecologicos e locais, muitos produzidos diretamente por socias e socios do Centro Social. Teremos raçons, doces e salgadas e moita festa! Animamos todo o mundo traerdes instrumentos para continuar, também no sábado, a  grande foliada.

Vemo-nos nuns seculos para festejar e regressarmos ao futuro.

Posted in Geral | Comentários desativados em Feira Franca no Quilombo

Ante o colapso. Palestra de Carlos Taibo

Na quarta-feira 4 de setembro, às 20h30, teremos o prazer de escuitar e dialogar com o professor e ativista Calos Taibo sobre o seu novo livro Ante o Colapso.

Ainda que o discurso político e mediático vira as costas ao debate relativo a um eventual colapso do sistema que padecemos, esa posibilidade está aí e cada dia é percebida com mais intensidade em capas mais fondas da nossa sociedade. Esta consciência comença criar novas tendências de fundo, assim como mudanças psicosociais e incluso novos movementos sociais, que o autor ajuda a impulsar, como a Rede Decrecentista ou coletivos como Vespera de Nada.

Um debate necessário num mundo em múltiples crises por todo o lado, económica, políticas, ambiental, humanitarias, etc num país e umha comarca com posibilidades de avançar na resiliência como povo desde a nossa identidade.

Posted in Geral | Comentários desativados em Ante o colapso. Palestra de Carlos Taibo

Convoca-se Assembleia Geral para o 21 de setembro

Todas e todos os socios estam convocados a participarem deste importante encontro para o futuro da associaçom  o próximo sábado 21 de setembro às 11h00 da manham. A juntança concluira com umha comida de confraternizaçom.

O objetivo da Assembleia Geral  é planificar o curso 2019-2020 e melhorarmos o funcionamento da associaçom ampliando a participaçom.

Associa-te ao Quilombo!!

Posted in Geral | Comentários desativados em Convoca-se Assembleia Geral para o 21 de setembro

Avance atividades de agosto e primeiros de setembro

Mais um mês com interesantes atividades que compaginaremos com trabalhos pendentes na melhora da infraestrutura e concluir papeis  para assinaturas digitais e demais legalismos.

Esta sexta-feira vem tocar e dancar a mais umha foliada aberta.

Em plenas festas da Peregrina teremos concerto com o compositor brasileiro, Rafael Lopes, às 21h00 diante do Centro Social.

Acabaremos agosto com um debate sobre diversidade sexual no rural, com angel Amaro.

Já para setembro començaremos debatendo sobre colapso e decrescimento com o profesor universitário Carlos Taibo, mais umha foliada e festejaremos por todo o alto a Feira Franca.

Saídas de esnorquel, durante todo agosto e setembro. Informa-te mais aqui: https://oquilombo.noblogs.org/post/2019/06/17/curso-de-mergulho-snorkel/

Vemo-nos nas atividades!!

Posted in Geral | Comentários desativados em Avance atividades de agosto e primeiros de setembro

Programaçom de atividades de julho

Començou o verao e no Quilombo vestimos o fato de banho e os lentes de sol. Iniciamos novo horário (de quartas a sexta-feiras de 20h30 a 23h00) e mais atividades de exterior do que nunca:

Sexta-feira 5 às 21h00 : Foliada na rua. Haverá petiscos (livres para músicas e bailadoras).

Fim-de-semana do 6 e 7: VII Olimpiadas Populares Galegas. Estrea da equipa do Quilombo nesta jornada desportiva e de convivio entre associaçons de todo o pais, este ano em Moanha. + info: https://www.facebook.com/asolimpiadasdosmovimentossociais/

Quarta-feira 10 as 21h00: Recital de poesia, microrelato e micro aberto, com a presença confirmada de Baia Fernández, Carme Quinteiro, Adela martínez, Niña Burbuja, Rabela, Elisabeth Oliveira, Charo Miloro e Ana Corzo.

Sábado 13: primeira saída de esnorquel do verao. Inscriçons abertas. + INFO: https://oquilombo.noblogs.org/post/2019/06/17/curso-de-mergulho-snorkel/

Quinta-feira 18 às 21h00: Projeçom documentário San Finx 1960 coa presença da realizadora, Irene Pin. O documentário reconstrúe a historia da “catástrofe de 1960” através da memoria e vozes da vizinhança de Lousame, que narram como a maior das presas de decantaçom de lodos das minas de Sam Finx tivo umha falha crítica que provocou umha avalancha de residuos mineiros que arrasou com o curso fluvial até a mesma ría de Noia deixando a súa pegada durante décadas. O filme, de 50 mínutos de duraçom, constitúe um exercicio de memoria histórica ambiental que foi estreado no pasado 28 de março.

Sexta-feira 19 às 21h00: Spoken rap e concerto com as artistas Yslem Hijo del desierto, Rafa Psico, Eleache Socio e colaboram Diego Horschovski e Sheila Patricia.

Sábado 20: Encontro de rap e regueifa feminista. Dirigidas especialmente a pessoas nom binárias, transexuais e transgénero, putas, pessoas da comunidade LGTBI e mais mulheres. Estam masculinizadas batalhas de galos? como mudou o feminismo a regueifa? Há no rap e na regueifa espaços seguros para as pessoas transexuias e transgénero?. Inscriçons oquilombo@riseup.net

Domingo 21 às 13h30: Jantar de irmandade na praia fluvial e rota em canoas polo rio Lerez. Inscriçons oquilombo@riseup.net

Segunda-feira 22 às 20h30: Assembleia mensal aberta. Participa da associaçom, acode e propom atividades, melhoras, etc.

Terça-feira 23: Curso de iniciaçom ao Teatro da Oprimida. Professora Nerea Mallo, 2 horas de duraçom. Dinámicas de deshinibiçom, técnicas de improvisaçom, segurança emocional, oratória, conflitos sociais, açom poética e mais. 15 euros  (nom socias), 10 euros socias. Inscriçons oquilombo@riseup.net

Sexta-feira 26: Visita a ecoaldeia de Xestas, na ria de Noia, este projeto de vida comunitaria e ecologica asenta num monte com espetaculares vistas. Vem com nós conhezer a vida, trabalho e ativismo desta aldeia  e as suas gentes. Posibilidade de ficar a durmir do 26 ao 27 para continuar a visita no sábado. Inscriçons oquilombo@riseup.net

Ademais, continua o curso de apicultura. Próxima classe na quinta-feira 4 de julho às 17h30 nas colmeias em Cotobade.

Posted in Geral | Comentários desativados em Programaçom de atividades de julho

Inglés, Republica Galega, Dia do Orgulho e exposiçom artistica.

Mais umha semana carregada de atividades no Centro Social O Quilombo!

Na terça-feira continua a conversa facilitada em Inglés, Neste mês de junho remata está atividade até o curso que vem polo que nom perdas a ocasiom e pasa-te amanhá às 21h00 práticar com professoras nativas.

Na quinta-feira 27 às 20h30 commemoraremos o 87 aniversário da proclamaçom da efémera Republica Galega em 1931. Projetaremos varios videos sobre a efemeride e brindaremos por umha nova proclamaçom. Viva a República Galega!

Para sexta-feira 28 de junho é com muito orgulho que apoiamos as atividades que Avante LGTBI Ponte Vedra têm preparadas para a data: Concentraçom na Peregrina às 20h00, para dar paso a um piquenique no Campinho e festa queer o pub “La Pomada”.

 

 

 

E para concluir a semana, no sábado 29, desde meio-dia, inaugura-se a multifacética exposiçom de alunas de belas artes baixo o denominador común, neste final de curso, “Polo caminho da amargura”. Pintura, escultura, fotografia, fanzines e ilustraçons.

Centro Social aberto. Participa!.

Posted in Geral | Comentários desativados em Inglés, Republica Galega, Dia do Orgulho e exposiçom artistica.