Mais um mês cheio de atividades e importantes novidades como a horta comunitaria que vamos iniciar ou a organizaçom junto mais coletivos dos eventos de Natal nos que contaremos com a excepcional presença do bom carvoeiro, O Apalpador. Como sempre nom perdas de vir bailar e tocar às foliadas abertas na primeira sexta-feira de cada mês.

Anti-patriarcado. Trás o sucesso da semana feminista e a manifestaçom contra às violências machistas, continuamos despatriarcalizando. Este mês iniciamos o grupo de masculinidades com a primeira reuniom e apresentaçom do fanzine “homens cebolos” (só para homens), mais 2 tardes feministas (só para mulheres) e apresentaçom da revista “Revirada Feminista” que neste número centra-se no combate feminista ao fascismo (para todos os públicos).

Cursos e obradoiros: apresentamos novo curso de teatro da oprimida (para començar em janeiro), continuam às saídas micológicas, durante 2 dias haverá obradoiro intensivo de técnicas tipográficas onde cada quem poderá editar o seu proprio material e no dia 20 apresentaremos o projeto de horta comunitaria e ecológica da Associaçom Cultural O Quilombo, onde além de producir poderemos aprender e formarnos em futuros cursos de agroecologia e mais.

Iniciamos ciclo de palestras internacionalistas que continuará durante todo 2020, no dia 26, com ativistas chilenos que estaram de rota por Europa para difundir a grande luita atual dos povos originarios e classes populares no Chile.

Hoje tivo lugar no centro social O Quilombo rolda de imprensa para informar e fazer um chamamento a participar na manifestaçom da vindeira segunda-feira 25 de novembro, día internacional contra as violencias machistas trás a legenda “CONTRA O PATRIARCADO E O CAPITAL, FEMINISMO ORGANIZADO”. Desde O Quilombo agradecemos à difussom aos meios asistentes e o apoio do movemento social. Aderirom-se a esta jornada de mobilizaçom e resposta feminista as companheiras de Galiza Nova e as do Coletivo Feminista Pontevedra. Trás a rolda de imprensa mais uma nova associaçom feminista que se apresentará na nossa cidade no sábado e no proprio 25 convoca concentraçom às 20h00 soma-se a manifestaçom que partirá da Praça da Peregrina às 20h30.

Com a legenda desta convocatoria pretendemos situar a origem e os principais responsáveis das continuas e sistemáticas violências que sofremos as mulheres: o patriarcado e o capitalismo. Tambem vemos necessário fugir do terror meiático e da vitimizaçom que os meios de comunicaçom reproducem no tratamento informativo das agressons, abusos e assasinatos machistas e apostar, com máis força que nunca, por um feminismo organizado e combativo desde os movementos sociais, com capacidade de resposta na rúa perante os ataques que abofé viram, sobre todo de partidos fascistas e de extrema dereita. Se queremos construír e luitar por umha sociedade igualitaria, livre de violencias e desigualdades, nom podemos dar nem um paso atrás.

Centro Social O Quilombo – Rúa Princesa 17, Pontevedra

Sempre vivas e ativas! completa semana de formaçom, lazer e combate feminista.

Hoje mesmo damos començo com a palestra  de Lola Ferreiro, doutora em medicinha especializada em género e saúde. As opressons patriarcais e as suas consequências sobre às mulheres. Às 20h00 no Centro Social.

Projetaram-se os documentários “Doli, doli, doli… com as conserveiras, registo de trabalho” e “Polos meus olhos” com debate posterior e realizaremos coletivamente o mural da parede do fondo do Centro Social com motivos feministas.

Na sexta-feira e no sábado chega o momento de cantar, dançar e rimar desde a igualdade e a crítica dos roles de género pre-estabelecidos com o obradoiro de regueifa feminista (gratuito) e o obradoiro organizado em colaboraçom com Trepia “Andar cos tempos” sobre os roles de género no baile tradicional (10euros para socias e 15 para nom socias, anota-te aqui). Desde às 21h00 foliada aberta no Centro Social.

Os eventos desta semana acabaram numha combativa manifestaçom no proprio 25 de novembro, dia internacional contra às violências machistas.

Contra o patriarcado e o capital, Feminismo organizado!

Soma-te ao Quilombo!

Mais um mês completa programaçom de atividades, varias em colaboraçom com outros coletivos como o obradoiro “Andar cos tempos” com a A.C. Trepia ou a projeçom e debate sobre a autodeterminaçom catalá com o coletivo internacionalista Mar de Lumes.

Acode e participa!

Na quinta-feira 31 de outubro, desde às 20h00 vem curtir das nossas festas tradicionais.

Castanhas, filhoas e música ao vivo garantizaram boa festa até a chegada de Lorena Pinheira coa que nom pararemos de rir coas suas histórias “picantonas” do rural galego.

Para acabar a festa teremos foliada aberta.

Viva o magosto, viva o samaim!

Vem aprender e apanhar cogumelos com o Quilombo!

Jornadas micologicas começam esta sexta-feira e incluem até 8 eventos, 6 saidas para identificaçom e recoleçom, aula de apresentaçom e um aula opcional de cozinha. Todas com a participaçom de profesionais reconhecidos como os micologos Gabi e Floren e a cozinheira vegana Anabel.

O outono chega carregado de atividades no Quilombo, saem coma fungos! Mês centrado no inicio das jornadas micológicas que teram um preço total de 20euros polos 3 meses de atividade, varias palestras sobre sexualidades e a recuperaçom do Magosto, como festividade ligada à noite de defuntos, no centro de Ponte Vedra

Destacamos também o novo horario, no que començamos abrir também os sábados. Quarta e quinta-feira de 20h00 a 23h00 e sexta-feira e sábado de 20h00 a feche (24h00 ou mais alá).

Acude e participa!

Avante O Quilombo!

Desde o 21 de setembro trae o que che sobre na casa e do 30 de setembro ao 4 de outubro compra por 1 ou 2 euros o que precises. Colabora co Quilombo.

Búscam-se objetos em desuso. Paremos o ciclo consumista de mercar novo – botar ao lixo – e repetir! Doa o que che sobre e já nom uses para poder aproveita-lo mais umha pessoa. Merca de segunda mao, dando-lhe nova vida às cousas, poupando dinheiro e evitando financiar o grande circuito de empresas explotadores e fomentadoras do consumismo.

Como todas as primeiras sextas de mês, no 6 de setembro às 21h00 inauguramos a Feira Franca com Foliada na rua. Trae o teu instrumento e ganas de dançar, coma sempre petiscos livres para músicas e bailadoras.

No sábado 7 de setembro abriremos todo o día desde às 12h00. Vem ao Quilombo no seu climax enxebrista desfrutar da festa, cultura e um dia mágico na época em que de facto Galiza era entidade polítca e administrativa, um reino, independente.

Almorço às 14h00: Solicitamos anotar-se no e-mail ou no local para calcularmos compra. Por 15 euros podera-se escolher entre 2 Menús.

Menú 1: Navalhas, polo e filhoas.

Menú 2: Tosta de hummus, empada vegetal, feijoada e filhoas.

Durante todo o dia, no Quilombo poderedes comer e beber com produtos da terra, ecologicos e locais, muitos produzidos diretamente por socias e socios do Centro Social. Teremos raçons, doces e salgadas e moita festa! Animamos todo o mundo traerdes instrumentos para continuar, também no sábado, a  grande foliada.

Vemo-nos nuns seculos para festejar e regressarmos ao futuro.