Bom fim de ano e próspero 2021!
A seguir a carta aberta em formato PDF, PNG e texto.
O Quilombo 2021. Carta aberta.
Neste fim de ano a Associaçom Cultural O Quilombo quer transmitir a vizinhança de Ponte Vedra, ao movemento social e popular galego e sobretodo aos centos de pessoas que acompanharom a intensa atividade desenvolvida nos dous anos de vida do projeto, umha forte aperta nestas festas de fim de ano e varias consideraçons e informaçons de interesse.
Desde as mobilizaçons feministas até as saídas de esnorquel para conhezer a ria, pasando polos centos de assembleias, a atividade do Quilombo levou um ritmo acelerado desde o inicio, conseguimos dar-nos a conhezer, criar sinergias, consolidar um corpo associativo aínda com margem para crescer e anovar a cena social e cultural da cidade, todo com muitas luzes e tambem sombras, que sempre tentamos solucionar e melhorar ainda sem conseguir muitas vezes, nas atividades que nom saiam bem, nos coidados, etc.
A pandemia que estamos a viver está a ser complicada para todas e tambem para o movemento associativo. Defendernos da crise social e económica que cataliza a crise sanitária vai precisar de luita social, apoio mutuo e tambem da reflexom necesária que leve a acertar nos novos contextos. Aproveitamos para solicitar-vos novamente que acheguedes as vosas ideias pois coletivamente pensamos e coletivamente construimos, que botades em falta? Que melhoras se necesitam? Que atividade hai que organizar?
A incapacidade para manter a atividade minimamente normalizada no pequeno local da rua princesa e consequente desgaste económico, a súa provisoriedade e a oportunidade de aproveitar estes meses que certamente restam de pandemia levou a assembleia do Centro Social decidir fechar provisoriamente para abrir num novo local mais versátil no centro de Ponte Vedra em 2021, mantendo, no cômaro, as atividades projetadas na rua, redes sociais e outros espaços.
A humilde andaina constatou a necesidade e espaço do projeto, um centro social aberto e plural para a cultura popular, onde o feminino bate com a mesma força, que consolide a autonomia do movemento associativo, ajude a tecer redes e açons e radicalice as exigências na defesa da terra e dos direitos e liberdades sociais e nacionais.
Esta carta é um fondo agradecemento por todas as achegas de todas as pessoas que figerom possivel estes dous anos, tambem é reconhecer erros e um convite a fortalecer o Quilombo para que o avançado nom tenha marcha atrás, dando um novo impulso, como o feito hai 2 anos com a constituiçom da associaçom e apertura do local, agora desde um novo escalom, para abrir no 2021 o melhor Centro Social para o movemento popular de Ponte Vedra.
