Nos próximos sábados 17 de abril e 8 de maio às 11h00 da manham
contaremos com o professor de galego-português e autor do livro “Do Ñ
para o NH”, Valentim Fagim, para a realizaçom de 2 obradoiros
linguísticos. Podes inscrever-te por só 5 euros para as 2 sessons,
gratuito para socies do Quilombo e da associaçom cultural Trépia, em
cujo local da rúa Rosalia de Castro número 100 teram lugar as atividades
formativas.

17 de abril: Como funcionam as línguas? porque falamos como falamos?

8 de maio: Usando o galego-português.

Comença o outono e com ele recuperamos as programaçons mensais trás o verao mais atípico.

Outubro consolida o obradoiro de trabalhos em madeira. Será 2 dias ao mês, quartas-feiras 14 e 21 este mês desde às 18h00. É necessário increver-se e a atividade é gratuita para socies e por só 5e/mês para nom socies.

Neste mês reivindicamos com força a nossa língua e um 2021 para Carvalho Calero. No sábado 17 començam os ateliê de língua com o Valentim Fagim, que continuaram em novembro e dezembro (gratuito para socies e 5euros em total os 3 ateliê para nom socies) e faremos mural reivindicativo das Letras Galegas pola tarde. Na quarta-feira 21 às 20h30 contaremos com o professor, escritor e fundador da AGAL, Manuel Miragaia para falarmos da vida do extraordinário inteletual galeguista Ricardo Carvalho Calero.

Nos últimos 2 sábados do mês concluimos com toda a força da natureza, o patrimonio e a cultura popular. No 24, saíndo às 10h30 desde Ponte Vedra visitaremos os petroglifos e os aproveitamentos multifuncionais do Monte em Mao Comum de Campo Lameiro num fermoso roteiro guiado por vizinhos e comuneiros. Para concluir o mês, saída micológica desde às 10h30 que convergerá pola tarde no Centro Social para cozinhar o apanhado junto com castanhas e cabaças. Todo o sabor do outono numha soa noite. Vem desfrutar com nós do magusto/samaim.

Completa o programa deste mês a assembleia mensal no 26 e a assembleia aberta que na quinta-feira 8 organizam solidarias da campanha Jaro com motivo do juizo político que enfrontam 12 independentistas galegas e pretende ilegalizar 1 partido político e 1 associaçom solidaria. Desde O Quilombo somamonos  à denuncia deste processo repressivo e chamamos à campanha aberta e ativa na nossa comarca como a acudir a manifestaçom nacional de compostela no próximo 18 de outubro.

No próximo sábado 25 de julho, desde às 18h00 no Lago Castinheiras, terá
lugar o evento central da campanha popular polo Dia da Pátria 2020,
organizada desde o tecido social de Ponte Vedra num espaço espetacular.

O recinto de quase 2 hectáreas de superficie, na sua maioria arvorada,
situa-se na parte central do parque florestal de Castinheiras, ao pé do
lago e rodeados de monte autoctone. Localizaçom clicando aqui.

Disponhibilizaram-se serviços sanitários e facilitará-se o cumprimento
das medidas anti-covid19 diferenciando espaços, disponibilizando
mascaras e gel e informando da normativa a cumprir.

18h00 – Feira de produtos ecológicos e Mostra de associaçons
inauguraram a romária.

18h30 – Obradoiro de elaboraçom de pandeiro. Artesania Dácorla imparte
este obradoiro que custa 50 euros, inclue todo o material para fabricar
e levar-te para casa o teu pandeiro e require inscriçom previa com data
límite em 20 de julho. Contacta no 683353872 ou em oquilombo@riseup.net

19h00 – Obradoiro de iniciaçom ao baile galego impartido pola Asociación
Trépia. De balde.

21h30 – Concerto de Súan.
O grupo escénico saído dum dos múltiples projetos da Asociación Trépia
públicou este ano o seu primeiro album que podes escoitar aqui.

23h00 – Concerto de Gabi Reboredo.
Neste video Gabi colabora cum projeto ibérico das músicas de raiz e neste outro podedes ver umha intervençom de Gabi numha escola pública pondo em valor a nossa música.

24h00 – Foliada aberta. A festa continua, sem amplificaçom nem cenários.
Vem tocar e dançar!.

Neste atípico ano 2020, o Dia da Pátria trae esta magnifica novidade,
desfrutemo-la. Cultura popular, ecologia, economia social e solidariedade abraçam-se desde o compromisso que fortalece na reivindicaçom, festiva e
consciênte, do nosso dia nacional.

A Foliada do Lago nom seria possivel sem a colaboraçom entusiasta da
comunidade de Montes de Vilaboa, Trépia, Que Voltem para casa!, 4Ponlas
e a Concelharia de Cultura e Mocidade. Muito obrigadas.

Viva a Foliada do Lago!
Viva Galiza Ceive!
Avante a República Galega!

Saimos a varanda cantar o Grândola.

Porque em cada esquina temos umha amiga e estam a preparar umha nova revoluçom.

Que nom confinem a irmandade e a solidariedade.

O Quilombo com o núcleo galego da AJA (Associaçom José Afonso) e mais associaçons de base, chama a levar para à rua, desde às janelas de cada casa, de cada prédio, a commemoraçom da Revoluçom dos cravos que liberou o povo e permitiu Portugal rachar com o fascismo. Este 25 de abril às 15horas (galego-portuguesa), 16 horas em GMT+1, coloca um cravo, umha faixa e canta alto e forte o Grândola, Vila Morena .

Se queres  conhezer mais sobre a revoluçom de 25 de abril de 1974 podes ver o documentário A hora da liberdade.

Aproveitamos esta entrada para enviar ánimos a todas e atualizar o blogue com cartazes dos últimos meses. O Quilombo está a preparar os debates e análises para a Assembleia Geral a realizar quando o estado de alerta sanitaria o permita e a posta a ponto de cursos que esperamos reactivar neste 2020.

Nesta sexta-feira 17  às 20h00 apresenta-se o curso de cozinha vegana impartido polo projeto Black Emma (instagram @blackemma_) . No número 4 da revista caleidoscopica.gal (pag 130) podes atopar entrevista a Anabel Varela, coordenadora do curso e ativista de Black Emma.

10 sessons a realizar em sextas-feiras cada 2 semanas. Cada aula, dedicada a um tipo de alimentos.  O preço para socias será de 12 e/mês e de 20 para nom sócias. Inscriçom até 24 janeiro em oquilombo@riseup.net

Damos a Bem-vinda ao novo ano e a nova decada do jeito que sabemos, com mais um programa mensal cheio de atividades orientadas cara a transformaçom de Ponte Vedra.

Nesta sexta-feira 3 de dezembro començamos o ano com muito ánimo  dando continuidade às foliadas abertas que se fam, no local e na rua, desde que abrimos aló polo lonjano março de 2019.

Coma sempre, abriremos espaços para a reflexom e a açom. No sábado 11 contaremos com o advogado da defesa Brais González e varios acusados na montagem conhezida como “Operación Jaro” que tenta ilegalizar organizaçons independentistas galegas e meter na cadeia 12 ativistas. Vem conhezer este ataque às liberdades de todas,    tambem haverá ceia solidaria. Na quarta-feira 15 a associaçom internacionalista Mar de Lumes organiza a interesante palestra “Fabricando umha guerra”. E para acabar o mês na quarta-feira 29 o companheiro Cristobal falará sobre o que foi realmente a COP25 sobre o clima e abrirá o debate para umha atuaçom ecologista no momento atual.

Continuamos com os grupos de trabalho anti-patriarcais, convocam-se duas tardes feministas para començar preparar a greve de 8 de março, nova juntança aberta sobre novas masculinidades e umha primeira reuniom para començar achegar ideias de atividades e mais em defesa dos direitos LGTBI.

Neste mês començam 2 novos cursos e remataram às saídas micológicas que o tempo nom permitiu fazer em dezembro, visitaremos a parcela que acolherá a horta comunitaria do Quilombo para començar a toma de dados e planificaçom e por último apresentaremos o curso de ´Ukulele que començará em fevereiro.

Novos cursos:

Cozinha Vegana: Impartidos em sextas-feira cada 2 semanas por Black Emma, cada sessom será dedicada a um tipo de alimentos. O preço para socias será de 12 e/mês e de 20 para nom socias. Primeira aula na sexta-feira 10 de janeiro com umha projeçom e introduçom ao curso.

Teatro da Oprimida: Impartido pola companheira Nerea, dará continuidade aos obradoiros realizados em 2019 com um curso que será cada duas terças-feiras. Primeira aula no dia 21. Terá um custo de 15e/mês para socias e 20e para nom socias.

Aproveita o tempo, participa e soma-te ao Quilombo!